Friday, August 31, 2007

ye kyaa ke sab se bayaan dil kii haalaten karanii

ye kyaa ke sab se bayaan dil kii haalaten karanii

Faraz tujh ko na aain muhabbate.n karanii

ye qurb kyaa hai ke tuu saamane hai aur hame.n

shumaar abhii se judaaii kii saatain karanii

koii Khudaa ho ke patthar jise bhii ham chaahen

tamaam umr usii kii ibaadaten karanii

sab apane apanee qariine se muntazir us ke

kisii ko shukr kisii ko shikaayaten karanii

ham apane dil se hain majabuur aur logon ko

zaraa sii baat pe barpaa qayaamaten karanii

milen jab un se tu mubaham sii guftaguu karanaa

phir apane aap se sau-sau wazaahaten karanii

ye log kaise magar dushmanii nibhaaten hain

hamain ko raas na aain muhabbate.n karanii

kabhii Faraz naye mausamon main ro denaa

kabhii talaash puraanii raqaabate.n karanii

No comments: